27-nji sentýabrda Aşgabatda Ýapyk binalarda we söweş sungaty boýunça V Aziýa oýunlarynyň resmi ýapylyş dabarasy uly şowhun bilen geçirildi.
25-nji sentýabrda türkmen häkimiýetleri Aşgabatda gurulýan ilkinji golf meýdançasynyň açylyş dabarasyna taýýarlyklaryň görülýändigini mälim etdiler.
Türkmenistanda, esasanda, ýurduň çetki obalarynda harby gullukdan boşap gelen ýaşlaryň iş tapmakda, işe ýerleşmekde kynçylyk çekýändigi barada Azatlyk Radiosyna maglumatlar gelip gowuşýar.
Türkmenistan barada maglumatlary çap edýän habar serişdesinde 'Aşgabat-2017' oýunlarynyň geçirilýän döwründe, Aşgabadyň mekdep okuwçylaryny we talyplaryny meýilnamadan daşary rugsada çykarmak barada ene-atalaryň özleriniň türkmen häkimiýetlerine haýyşnama bilen ýüzlenendigi habar berilýär. Bu maglumaty mugallymlaryň we ene-atalaryň onlarçasy ret edýär.
Türkmenistanda Ýapyk binalarda we söweş sungaty boýunça V Aziýa oýunlarynyň geçirilýän döwründe Aşgabadyň mekdep okuwçylary we talyplary meýilnamadan daşary rugsada çykýarlar.
Şu günler Aşgabadyň kommunal gullugynyň işgärleri tarapyndan şäheriň käbir köçelerinde it-pişikleri ‘awlamak’ çäreleriniň gaýtadan güýçlenendigi habar berilýär.
Aşgabatda Aziýa oýunlary mynasybetli has köp köçeleriň ýapylmagy netijesinde, şäheriň käbir böleklerinde uly awtoulag dyknyşygy emele geldi.
Gürjüstanyň premýer-ministri Georgiý Kwirikaşwili Aşgabada sapar edip, Türkmenistanyň prezidenti Gurbanguly Berdimuhamedow we Mejlisiň başlygy Akja Nurberdiýewa bilen duşuşdy.
Soňky iki hepdäniň dowamynda Aşgabadyň “Garaşsyzlyk” seýilgähinde eýesiz itleriň sanynyň göze ilerlik derejede köpelendigi aýdylýar.
Türkmenistanyň döwlet edaralarynda Aziýa oýunlarynyň sport ýaryşlaryna baryp, olara yzygiderli tomaşa etjek janköýerleri saýlap-seçmek çäreleri geçirilýär diýip, “Hronika Türkmenistan” neşiri habar berýär.
Türkmenistanyň Mejlisiniň deputatlary “Pagtaçylyk hakynda” kanunyň taslamasyny ara alyp maslahatlaşyp, ony biragyzdan kabul etdiler.
Türkmenistanyň Jemagat hojalygy ministrligine degişli ençeme edaranyň işgärleri Ýapyk binalarda we söweş sungaty boýunça V Aziýa oýunlaryna 200 manat bermäge borçly edildiler diýip, “Türkmenistandan alternatiw habarlar” neşiri ýazýar.
Türkmenistanyň prezidenti Gurbanguly Berdimuhamedow anna güni ýurduň pagtaçylaryna “ak pata” berip, olaryň bu ýyl uly zähmet üstünliklerini gazanjakdyklaryna “berk ynam” bildirdi.
Türkmenistanda güýzlük bugdaý ekişine köpçülikleýin girişilen mahaly, daýhanlar döwletiň indi ençeme ýyl bäri gallany şol bir nyrhdan satyn alýandygyndan we öz girdejileriniň azlygyndan nägile bolýarlar.
Türkmenistanda Aziýa oýunlarynyň başlanmagynyň öňýanynda, howpsuzlyk çäreleriniň barha güýçlendirilýändigi, ýurduň köçelerinde, seýilgählerinde we bazarlarynda patrullyk edýän ýörite harbylaryň ýerleşdirilýändigi habar berilýär.
Türkmenistanda bahalaryň yzygiderli ýokarlanmagy zerarly dermanhana resmileri harytlaryň nyrhyny görkezmegi bes etdiler diýip, “Hronika Türkmenistan” neşiri habar berýär.
Türkmen häkimiýetleriniň raýatlaryň syýahat mümkinçiliklerini “hiç hili düşündiriş bermezden” çäklendirmek arkaly, olara ýurtdan çykmaga rugsat bermeýändigi barada maglumatlar gelip gowuşýar.
Aşgabatda Aziýa oýunlaryna niýetlenip gurlan olimpiýa şäherçesiniň iki desgasy Ginnesiň rekordlar kitabyna girizildi.
Türkmenistan syýahatçylyk wizalaryny resmileşdirmek düzgünlerini iň kynlaşdyran ýurtlaryň bäşligine girdi diýip, CA-News habar gullugy Britaniýanyň “Wanderlust travel” žurnalyna salgylanyp habar berdi.
Türkmenistanda eýesiz it-pişikler üçin ilkinji penahana resmi taýdan hasaba alyndy diýip, “RIA Nowostiniň” Aşgabatdaky habarçysy Amangeldi Nurmyradow ýekşenbe güni Türkmenistanyň “Oriýent” habar saýtyna salgylanyp habar berdi.
Ýene-de ýükle
